தப்பாட்டம்!

கடந்த சில ஆண்டுகளாகவே, சின்னச் சின்ன நிர்வாக ரீதியிலான பிரச்னைகளில்கூட நீதிமன்றம் தலையிட வேண்டிய நிர்பந்தம் ஏற்பட்டிருக்கிறது. நீதித்துறையின் நேரத்தை அரசியல் சட்டப் பிரச்னைகளும், அரசின் தவறான நிர்வாக முடிவுகளுக்கு எதிரான வழக்குகளும் ஆக்கிரமித்துக் கொள்வது ஆரோக்கியமான ஒன்றல்ல.

பலமான, பொறுப்பான எதிர்க்கட்சி இருக்குமானால், ஆட்சியாளர்களின் தவறான ஆணைகளுக்கு அடிபணிய மறுக்கும் நேர்மையான அதிகார வர்க்கம் இருக்குமானால், மக்கள் எதற்கெடுத்தாலும் நீதிமன்றத்தை நாட வேண்டிய அவசியம் ஏற்படாது.

இதற்கு இரண்டு காரணங்கள். ஆட்சியாளர்கள் முறையாக நிர்வாகத்தை நடத்தாமல் இருப்பதும், சுய ஆதாயத்திற்காகவோ, விருப்பு வெறுப்புகளினாலோ நிர்வாக முடிவுகளை எடுப்பதும் முதல் காரணம். கல்வி அறிவு அதிகரித்திருப்பதால், விழிப்புணர்வு அதிகரித்திருக்கும் மக்கள், அரசியல்வாதிகளின் நிர்வாகத் தவறுகளுக்கு நியாயம் கேட்க நீதிமன்றங்களின் கதவுகளைத் தட்டத் தொடங்கி இருப்பது இரண்டாவது காரணம்.

நீதிமன்றம் தலையிடத் தேவையில்லாத விளையாட்டு பற்றிய ஒரு வழக்கில் உச்சநீதிமன்றம் தெரிவித்திருக்கும் கருத்து நிர்வாகம் தொடர்பான ஒன்று. 120 கோடி மக்கள் தொகையுள்ள இந்தியா உலக அரங்கில் விளையாட்டில் மிகமிகப் பின்தங்கிய நாடுகளில் ஒன்றாகத் திகழும் அவலத்தை நினைத்து மனம் வெதும்பும் பலரும், உச்சநீதிமன்றத்தின் கருத்தை கரகோஷம் எழுப்பி வரவேற்பார்கள்.

"விளையாட்டுடன் எந்தவிதத் தொடர்போ, அதுபற்றிய சாதாரண அறிவோகூட இல்லாதவர்கள் வெவ்வேறு விளையாட்டு அமைப்புகளின் தலைமைப் பொறுப்பில் இருப்பதும், அந்த விளையாட்டுகளின் வளர்ச்சிக்கு எதிரான நடவடிக்கைகளை எடுப்பதும், வேதனைக்குரிய நிலைமை' என்று ஹாக்கி கூட்டமைப்பு தொடர்பான ஒரு வழக்கு விசாரணையில் நீதிபதிகள் டி.என். தாக்கூர், ஜே. செலமேஷ்வர் இருவரின் அமர்வு கருத்துத் தெரிவித்திருக்கிறது. பல்வேறு விளையாட்டுக் கூட்டமைப்புகளின் தலைமைப் பொறுப்பில் அரசியல்வாதிகளும், தொழிலதிபர்களும் இருப்பது அந்த விளையாட்டுகளின் மேம்பாட்டிற்கு ஊறு விளைவிக்கின்றனவே தவிர உதவவில்லை என்றும், அந்தந்த விளையாட்டு தொடர்பான வீரர்கள்தான் சம்பந்தப்பட்ட விளையாட்டுக் கூட்டமைப்புகளின் தலைமைப் பொறுப்பில் இருக்க வேண்டும் என்றும் உச்சநீதிமன்ற நீதிபதிகள் கூறியிருக்கிறார்கள்.

கடந்த பல ஆண்டுகளாகவே, அரசியல்வாதிகள் மற்றும் தொழிலதிபர்களின் தயவில்தான் விளையாட்டு வீரர்கள் இந்திய அணியில் இடம்பெறவும், விளையாடவும் முடிகிறது. ஐ.பி.எல். கிரிக்கெட் போட்டிகள் வந்தாலும் வந்தது, எல்லா அரசியல்வாதிகளும் பணம் சம்பாதிப்பதற்கு விளையாட்டும் ஒரு வழி என்பதைப் புரிந்து கொண்டுவிட்டனர்.

"விளையாட்டு வீரர்களுக்கு விளையாடத்தான் தெரியும். நிர்வாகம் தெரியாது. அதனால் இதுபோன்ற அமைப்புகளின் தலைமைப் பொறுப்பில் விளையாட்டின் மீது ஆர்வமுள்ள புரவலர்கள் இருப்பதுதான் சரி' என்பது அரசியல்வாதி, தொழிலதிபர் தரப்பினரின் வாதம். அப்படிப் பார்த்தால், தேர்ந்தெடுக்கப்பட்ட அமைச்சர்கள் நிர்வாகம் தெரிந்தவர்களா என்ன? அதிகாரிகளின் உதவியுடன் அவர்கள் ஆட்சி நடத்துவதுபோல, தலைமைப் பொறுப்பில் அமரும் அந்தந்தத் துறை சார்ந்த விளையாட்டு வீரர்களும் அதிகாரிகளின் துணையுடன் அந்தந்த அமைப்புகளை நிர்வகித்துக் கொள்ள முடியுமே.

கிராமப்புறப் பள்ளி அளவிலிருந்து, விளையாட்டில் நாட்டமுள்ள குழந்தைகளை முறையாக அடையாளம் கண்டு, தகுந்த பயிற்சியும் ஊக்கமும் அளித்து தயார்படுத்தினால், சர்வதேசப் போட்டிகளில் தங்கப் பதக்கங்களை இந்தியா அள்ளிக் குவிக்கும். அதற்கு, விளையாட்டு அமைப்புகளிலிருந்து அரசியல்வாதிகளும், தொழிலதிபர்களும் அகற்றி நிறுத்தப்படுவதுதான் முதல் படி.

விளையாட்டுத் துறை இந்திய அரசுப் பணி அதிகாரிகளால் முறையாக நிர்வகிக்கப்படுவதில்லை. விளையாட்டுடன் தொடர்பே இல்லாதவர்கள் அமைச்சர்களாகவும், துறை சார்ந்த அதிகாரிகளாகவும் நியமிக்கப்படுவது இதற்கு முக்கிய காரணம். போலி சான்றிதழ் பெறுவோரும், பெயர் கேள்விப்படாத விளையாட்டுகளில் தேர்ச்சி பெற்றோரும் எந்தவித கண்காணிப்போ, கட்டுப்பாடோ இல்லாமல் உயர் கல்வியிலும், அரசு வேலைவாய்ப்பிலும் விளையாட்டுக்கான ஒதுக்கீடுகள் பெறுவதைக்கூடக் கேள்வி கேட்க ஆளில்லாத நிலைமை.

விளையாட்டை நாம் விளையாட்டாக எடுத்துக் கொள்கிறோம். அரசியல்வாதிகளும், தொழிலதிபர்களும் பணம் காய்க்கும் மரமாக எடுத்துக்கொள்கிறார்கள். ஆகமொத்தம், விளையாட்டு வீரர்களின் வாழ்க்கையுடன் நாம் விளையாடிக் கொண்டிருக்கிறோம்!

ஓரினச்சேர்க்கை குறித்த ஐகோர்ட் உத்தரவு ரத்து; 377வது பிரிவு செல்லும் என சுப்ரீம் கோர்ட் தீர்ப்பு

புதுடில்லி: ஓரினச்சேர்க்கை, இந்திய கலாசாரத்துக்கும், இங்குள்ள மதங்கள் பின்பற்றும் கொள்கைகளுக்கும் எதிரானது. எனவே, ஓரினச்சேர்க்கையில் ஈடுபடுவது, சட்ட விரோதம். ஓரினச்சேர்க்கையை குற்றமாகக் கருதும், இந்திய தண்டனை சட்டத்தின், 377வது பிரிவு செல்லும் என, சுப்ரீம் கோர்ட், நேற்று அதிரடியாக தீர்ப்பளித்துள்ளது. இதற்கு, ஓரினச் சேர்க்கையாளர்கள் மற்றும் அவர்களுக்கு ஆதரவானவர்கள் கடும் எதிர்ப்பு தெரிவித்துள்ளனர்.
நம் நாட்டை பொறுத்தவரை, ஆணுடன் ஆண் அல்லது பெண்ணுடன் பெண், இயற்கைக்கு மாறான உறவில் ஈடுபடுவது, குற்றமாகக் கருதப்படுகிறது. நம் கலாசாரம் மற்றும் ஒழுக்க நடைமுறைகளுக்கு எதிரானதாகவும், இந்தச் செயல்கள் கருதப்படுகின்றன. இதனால், பிரிட்டிஷ் ஆட்சிக் காலத்திலேயே, ஓரினச்சேர்க்கை சட்ட விரோதம் என, சட்டம் இயற்றப்பட்டது. இதன்படி, இந்திய தண்டனைச் சட்டத்தின் பிரிவு, 377ன் படி, ஓரினச்சேர்க்கை சட்ட விரோதமானதாகவும், இந்த குற்றத்தில் ஈடுபடுவோருக்கு, அதிகபட்சமாக ஆயுள் தண்டனை வரை விதிக்கலாம் என்றும் கருதப்படுகிறது. ஆனால், கடந்த, 30 ஆண்டுகளில், இந்த விவகாரத்தில், சர்வதேச அளவில் ஏற்பட்டுள்ள கலாசார மாற்றங்கள், இந்தியாவிலும் எதிரொலிக்கத் துவங்கியது. நம் நாட்டிலும், ஏராளமான ஓரினச்சேர்க்கையாளர்கள் மறைமுகமாக, உறவில் ஈடுபட்டு வந்தனர். நாளடைவில், தங்கள் உரிமைகளுக்காக, அவர்கள் உரிமைக் குரல் எழுப்பத் துவங்கினர்.


நாஸ் பவுண்டேஷன்:
கடந்த, 2001, மார்ச்சில், ஓரினச்சேர்க்கைக்கு ஆதரவாக போராடி வரும், நாஸ் பவுண்டேஷன் என்ற அமைப்பு, ஓரினச்சேர்க்கையை சட்டப்பூர்வமாக்க வேண்டும் எனக்கோரி, டில்லி ஐகோர்ட்டில், பொதுநல மனு தாக்கல் செய்தது. வழக்கின் விசாரணையின் போது, உள்துறை அமைச்சகம் தாக்கல் செய்த பதில் மனுவில், ஓரினச்சேர்க்கையை தடை செய்யும் சட்டம், தொடர வேண்டும் என, கூறப்பட்டது. ஆனால், சுகாதார அமைச்சகம், அந்த சட்டத்தை தடை செய்ய வேண்டும் என்ற, மாறுபட்ட கருத்தை தெரிவித்தது. இதையடுத்து, 2009ல், இந்த வழக்கில், டில்லி ஐகோர்ட், முக்கியத்துவம் வாய்ந்த தீர்ப்பை அளித்தது. அதில், வயதுக்கு வந்த இருவர், முழு சம்மதத்துடன், ஓரினச்சேர்க்கையில், தங்கள் அறைக்குள் ஈடுபடுவது தவறல்ல. இதை தடை செய்யும், இந்திய தண்டனை சட்டத்தின், 377வது பிரிவு ரத்து செய்யப்படுகிறது என, அதிரடியான தீர்ப்பை வழங்கியது. இந்த தீர்ப்பு, நாடு முழுவதும், பெரும் அதிர்ச்சி அலைகளை ஏற்படுத்தியது. மத அமைப்புகளைச் சேர்ந்தவர்கள், பெண்கள் நல அமைப்புகள் ஆகியோர், இந்த தீர்ப்புக்கு எதிராக குரல் கொடுத்தனர். ஆனால், தங்கள் உரிமைகளுக்காக நீண்ட நாட்களாக போராடி வந்த, ஓரினச்சேர்க்கையாளர்கள், இந்த தீர்ப்பை உற்சாகத்துடன் வரவேற்றனர். இந்த தீர்ப்பை எதிர்த்து, பா.ஜ.,வின் மூத்த தலைவரும், சமீபத்தில் காலமானவருமான, பி.பி.சிங்கால், அகில இந்திய முஸ்லிம் சட்ட வாரியம், உக்தல் கிறிஸ்டியன் கவுன்சில் மற்றும் ஏராளமான மத அமைப்புகள், சுப்ரீம் கோர்ட்டில், மேல்முறையீடு செய்தன. கடந்த சில ஆண்டுகளாக, இந்த வழக்கின் விசாரணை, சுப்ரீம் கோர்ட்டில் நடந்தது. இந்த விசாரணைகளின் போது, ஓரினச்சேர்க்கைக்கு ஆதரவாக, மத்திய அரசு, பதில் மனு தாக்கல் செய்தது. அதில், ஓரினச்சேர்க்கையை குற்றமாகக் கருதும், இந்திய தண்டனை சட்டத்தின், 377வது பிரிவு, பிரிட்டிஷ் அரசாங்கத்தால் நிறைவேற்றப்பட்டது. தற்போது, காலம் மாறி விட்டது. இந்த விஷயத்தில், இந்திய சமூகம், சகிப்புத் தன்மையை பின்பற்ற வேண்டும் என, தெரிவித்திருந்தது. இதையடுத்து, வழக்கின் விசாரணை முடிந்து, கடந்தாண்டு மார்ச்சில், தீர்ப்பு ஒத்தி வைக்கப்பட்டது. இந்நிலையில், நீதிபதிகள், ஜி.எஸ்.சிங்வி, எஸ்.ஜே.முகோபாத்யாயா ஆகியோர் அடங்கிய, பெஞ்ச் இந்த வழக்கில், நேற்று, அதிமுக்கியத்துவமான தீர்ப்பை வழங்கியது.


தீர்ப்பில் கூறப்பட்டதாவது:
ஓரினச்சேர்க்கை, இருவரின் தனிப்பட்ட விஷயம் என்றும், வயதுக்கு வந்த இருவர், மனம் இசைந்து, மறைவிடத்தில் ஓரினச்சேர்க்கையில் ஈடுபடுவது குற்றமாகாது என்றும், டில்லி ஐகோர்ட் அளித்த தீர்ப்பு, ஏற்க தகுந்ததல்ல. இந்த விஷயத்தை, டில்லி ஐகோர்ட், மிக சாதாரண விஷயமாகக் கையாண்டதாகவே, இந்த கோர்ட் கருதுகிறது. ஓரினச்சேர்க்கை, இந்திய கலாசாரத்துக்கும், மதங்கள் பின்பற்றும் கொள்கைகளுக்கும், ஒழுக்க நடைமுறை

களுக்கும் விரோதமானது. எனவே, இந்திய தண்டனை சட்டத்தின், 377வது பிரிவு செல்லாது என, டில்லி ஐகோர்ட் அளித்த தீர்ப்பு, ரத்து செய்யப்படுகிறது. ஓரினச்சேர்க்கையை தடை செய்யும், சட்டப் பிரிவும், அந்த குற்றத்துக்கு, அதிகபட்சமாக ஆயுள் தண்டனை விதிக்கலாம் என, கூறப்பட்டு உள்ள உத்தரவும் செல்லும்.


பார்லியில் சட்டம் அவசியம்:
இந்த விவகாரத்தை, மத்திய அரசு, மிக சாதாரணமாகவே கையாண்டுள்ளது, கண்டனத்துக்குரியது. அதிமுக்கியத்துவம் வாய்ந்த, இந்த விஷயத்தை, பார்லிமென்டில் விவாதித்து முடிவெடுக்காமல், நீதித் துறை மீது, மத்திய அரசு பழி சுமத்துவது, கண்டனத்துக்குரியது. சர்ச்சைக்குரிய சட்டத்தை திருத்துவது அல்லது நீக்குவதற்கு, பார்லிமென்டிற்கு மட்டுமே உரிமை உள்ளது. இந்த விஷயத்தில், பார்லி மென்ட் தான், முடிவெடுத்திருக்க வேண்டும். ஆனால், இந்த நிமிடம் வரை, இந்திய தண்டனை சட்டத்தின், 377வது பிரிவு, அமலில் உள்ளது. ஓரினச்சேர்க்கை போன்ற உறவுகளை, கோர்ட், சட்டப்பூர்வமாக்க முடியாது. எனவே, ஓரினச்சேர்க்கை சட்ட விரோதமானது. இவ்வாறு, நீதிபதிகள், தங்கள் தீர்ப்பில் தெரிவித்தனர். சுப்ரீம் கோர்ட்டின் இந்த தீர்ப்பு, கோர்ட் வளாகத்தில் கூடியிருந்த ஓரினச்சேர்க்கை ஆதரவாளர்களை சோகத்தில் ஆழ்த்தியது. பலர், கண்ணீர் விட்டு, கதறி அழுதனர். சுப்ரீம் கோர்ட்டின் தீர்ப்பை, மறுஆய்வு செய்யக்கோரி, சீராய்வு மனு தாக்கல் செய்யப் போவதாகவும், அவர்கள் தெரிவித்தனர்.


ஐ.பி.சி., 377வது பிரிவு கூறுவது என்ன?
இந்திய தண்டனை சட்டத்தின், 377வது பிரிவு, பிரிட்டிஷ் ஆட்சிக் காலத்தில் நிறைவேற்றப்பட்டது. அதில், எவர் ஒருவர், இயற்கைக்கு மாறான வகையில், பெண்ணுடனோ, ஆணுடனோ, விலங்குகளுடனோ, உறவு வைத்துக் கொள்கிறாரோ, அவர், இந்திய தண்டனை சட்டத்தின், 377வது, பிரிவின்படி, குற்றவாளியாகிறார். அத்தகைய குற்றத்தில் ஈடுபடுவோருக்கு, ஆயுள் தண்டனை அல்லது 10 ஆண்டு சிறைத் தண்டனை விதிக்கப்படும்; அபராதமும் விதிக்கப்படும்.


அரசியல் அமைப்பு சட்டத்துக்கு எதிரானது:
ஓரினச்சேர்க்கையாளர்கள் கூறியதாவது: இந்திய அரசமைப்பு சட்டம், அனைவருக்கும், சம உரிமை வழங்கியுள்ளதோடு, கருத்து மற்றும் பேச்சு சுதந்திரமும் அளித்துள்ளது. சட்டத்தின் முன், அனைவரும் சமம் என, அரசியலமைப்பு சட்டம் கூறுகிறது. அரசியலமைப்பு சட்டத்தின், 21வது பிரிவு, ஒவ்வொருவரின் பாதுகாப்பான வாழ்வுக்கும், தனி நபர் சுதந்திரத்துக்கும், உத்தரவாதம் அளிக்கிறது. எனவே, எங்களின் சுதந்திரத்தையும், உரிமைகளையும், எந்தவிதமான உத்தரவுகளின் மூலமும், பறிக்கக் கூடாது. இவ்வாறு, அவர்கள் கூறினர்.


என்ன செய்யப்போகிறது மத்திய அரசு?
சுப்ரீம் கோர்ட் உத்தரவு குறித்து, மத்திய சட்ட அமைச்சர் கபில் சிபல் கூறியதாவது: ஓரினச்சேர்க்கை தொடர்பாக, சுப்ரீம் கோர்ட், அதன் கருத்தை தெரிவித்துள்ளது. இது, சுப்ரீம் கோர்ட்டுக்கு உள்ள அதிகாரம். நீதிபதிகள் அளித்த தீர்ப்பு குறித்து, நான் எந்த கருத்தும் தெரிவிக்க முடியாது. அதே நேரத்தில், இது தொடர்பாக, பார்லி.,யில், சட்டமியற்றும் அதிகாரம், அரசுக்கு உள்ளது. அரசு, அதன் கடமையைச் செய்யும். இவ்வாறு, கபில் சிபல் கூறினார்.

மக்கள் பிரதிநிதிகளின் கருத்து என்ன? ஐக்கிய ஜனதா தள எம்.பி., சிவானந்த் திவாரி கூறுகையில், டில்லி ஐகோர்ட் அளித்த தீர்ப்பு, சிறப்பானது; அறிவியல்பூர்வமானது. ஆனால், சுப்ரீம் கோர்ட் அளித்த தீர்ப்பை, அப்படி கருத முடியவில்லை, என்றார்.

திரிணமுல் காங்., - எம்.பி., டெரிக் ஓ பிரெய்ன் கூறுகையில், சுப்ரீம் கோர்ட் அளித்த தீர்ப்பு, ஏமாற்றம் அளிக்கிறது. நாம், சுதந்திரமான உலகில் வாழ்கிறோம்; அதற்கு, தடை ஏற்படுத்தக் கூடாது, என்றார்.

காங்., - எம்.பி., மணிசங்கர் அய்யர் கூறுகையில், சட்டத்தின் முன், அனைவரும் சமம்; இதில், யாருக்கும் பாரபட்சம் காட்டக் கூடாது. மனிதர்களாக பிறந்த அனைவருக்கும், சம உரிமை வழங்க வேண்டும், என்றார்.


இது எங்களின் இயற்கையான உணர்வு
; ஓரினச்சேர்க்கையாளர்கள் ஆவேசம்: சுப்ரீம் கோர்ட் அளிக்கவுள்ள தீர்ப்பை எதிர்பார்த்து, ஏராளமான ஓரினச்சேர்க்கையாளர்கள், கோர்ட் வளாகத்தில், பெரும் எதிர்பார்ப்புடன் காத்திருந்தனர். தீர்ப்பு வெளியானதும், அவர்கள், கடும் ஏமாற்றம் அடைந்தனர். பலர், தங்கள் உள்ளக் குமுறல்களை வெளிப்படுத்தினர்.

அவர்கள் கூறியதாவது: ஓரினச்சேர்க்கையை தடை செய்யும் சட்டம், 1861ல், பிரிட்டிஷ் ஆட்சிக் காலத்தில், நிறைவேற்றப்பட்டது. இந்த காலத்துக்கு, இந்த சட்டம், பொருந்துமா? ஓரினச்சேர்க்கையாளராக, ஒரு குழந்தை பிறந்தால், அது குற்றமா? இது, எங்களின் இயற்கையான உணர்வு. எங்களின் உரிமைகளை தயவுசெய்து பறிக்க வேண்டாம். அதற்கான உரிமை, யாருக்கும் இல்லை. இவ்வாறு, அவர்கள் கூறினர்.

Only one Muslim MLA in MP assembly , no Muslim MLA in Chattishgarh

Bhopal, Nov 9: Arif Aqeel , the Congress candidate from Bhopal North is the only MLA who got elected in Madhya Predesh assembly poll.Arif Aqeel, the sitting MLA  of Congress defeated Arif Baig,  Bharatiya Janata Party’s lone Muslim candidate in the state .

Two another Muslim candidate of Congree lost to BJP.

Kadpa MO Yusuf, the Congress candidate from Jaora Assembly lost to  Rajendra Pandey of  Bharatiya Janata Party, while Feroz Ahmad, who was also a Congress Candidate from Mudwara was defeated by Sandip Shriprasad Jaiswal of BJP.

The only Muslim candidate from Chattishgarh, Akbar Bhai  who fought from Kawardha assembly lost to BJP candidate Ashok Sahu.

தகுதியானவரா மோடி?

 ஒரு தரப்புக்கு மோடி பிரதமராவது இறைவனின் சித்தம்; மறுதரப்புக்கோ மோடி ஒரு சாத்தான்.

மோடி பிரதமராகவே கூடாது என நினைப்பவர்களின் குற்றச்சாட்டுகள் பரவலாக அறியப்பட்டவைதான். கோத்ரா ரயில் எரிப்பு மரணங்களை அவர் கையாண்ட விதம், குஜராத் படுகொலை, என்கவுன்டர் கொலைகள், அவரது பாஸிச அணுகுமுறை எனப் பல. இக்குற்றச்சாட்டுகள் உண்மையெனில் மோடி நிச்சயம் பிரதமராகத் தகுதியானவர் அல்ல. ஆனால், இக்குற்றச்சாட்டுகள் உண்மையாகவே இருந்தாலும் அவை முக்கியமல்ல, 'வளர்ச்சிப் பாதையில்' இந்தியாவை வேகமாக முன்னெடுத்துச் செல்லும் அவருடைய திறனே முக்கியமானது என்று ஒரு கூட்டம் நினைக்கிறது.

கட்டுப்பாடற்ற வளர்ச்சியைவிட சமூக ஒருங்கிணைப்பே முக்கியமானது. வளர்ச்சி என்பது மனிதனின் மேம்பாட்டுக்குத்தான். மனித உயிர்களுக்கு உத்திரவாதம் இல்லாத சமூகத்தில் வளர்ச்சி எலும்புக்கூடுகளுக்குத்தான் பயன்படும்.

சுதேசி கொள்கையுடைய ஆர்எஸ்எஸின் சேவகர் ஒருவர் வளர்ச்சிப் பாதையில் தீவிரவாதியாகச் செயல்பட்டு கார்ப்பரேட்டுகளின் கனவுத் தலைவராகப் பொறுப்பேற்றிருக்கிறார். இவரைப் பல எதிர்ப்புகளையும் மீறிப் பிரதமர் வேட்பாளராக ஆர்எஸ்எஸ் முன்னிறுத்தியிருக்கிறது. இது வலதுசாரிகளின் கவனத்திற்குரிய முரண்பாடு.

மதச் சிறுபான்மையினர் அடக்கி ஒடுக்கப்பட வேண்டும்; அதேபோல, வளர்ச்சிப் பாதைக்குக் குறுக்கே வரும் பழங்குடியினர், மாவோயிஸ்டுகள், சுற்றுச்சூழலியலாளர்கள் போன்றவர்களும் அடித்து நொறுக்கப்பட்டு இந்தியா 'வல்லரசு' ஆக வேண்டும்; அதற்கு மோடி பிரதமராக வேண்டும் என்று நினைப்பவர்களும் இருக்கிறார்கள். ஆனால், இக்கருத்துகளை இவர்கள் பொது இடத்தில் பச்சையாக முன்வைப்பது அரிது.

சந்தையில் அடித்ததற்கும் நீதிமன்றத்தில் சாட்சி வேண்டும். எனவே சமூக உண்மை பல சமயங்களில் நீதிமன்ற உண்மையாக இருப்பதில்லை. ஒரு பேச்சுக்காக மோடி அப்பாவி என்று கொள்வோம்.

அப்படியெனில் சட்ட ஒழுங்கைப் பாதுகாக்க அவருக்குத் திறன் இல்லை, கோத்ரா ரயில் எரிப்புச் சம்பவத்தை அவருக்குக் கையாளத் தெரியவில்லை, இந்தியச் சட்ட அமைப்பு முன்வைக்கும் ஒரு முதல்வரின் முக்கியக் கடமைகளான பொது மக்களின் உயிர்களையும் சொத்துகளையும் பாதுகாத்தல், சிறுபான்மையினரைப் பாதுகாத்தல் ஆகியவற்றை அவரால் நிறைவேற்ற முடியவில்லை, தனது காவல் அதிகாரிகளை அவரால் கட்டுப்படுத்த முடியவில்லை, அவர்கள் அப்பாவி இளைஞர்களைச் சுட்டுக் கொன்றது அவருக்குத் தெரியவில்லை, எல்லாவற்றுக்கும் மேல் பல ஆண்டுகளான பின்னரும் உண்மையை விசாரித்தறிந்து நீதியை நிலை நாட்டவும் முடியவில்லை என்றே பொருள்படும். எனவே மோடி அப்பாவி என்று நினைத்தால்கூட பிரதமராகும் தகுதி அவருக்கு இல்லை.

மோடியின் போர் வாளாக அறியப்படும் அமித் ஷாவுக்கு உத்தரப்பிரதேசத்தின் பாஜக கட்சிப் பொறுப்பு கொடுக்கப்பட்ட பின்னர் அங்கு இந்துத்துவவாதிகளின் போக்கு தீவிரமடைந்துள்ளது. மதக் கலவரங்களும் படுகொலைகளும் பரவிவருகின்றன. மதவாதத் தீயை பாஜக அரசியல்வாதிகள் பரப்பினார்கள் என்பதும் சமாஜ வாதிக் கட்சியும் அரசும் நிர்வாகமும் அதற்கு உடந்தையாக இருந்தன என்பதும் ஊடகங்களால் தெளிவாக ஆவணப்படுத்தப்பட்டுள்ளன. சிலர் சொல்வதுபோல மோடியின் பாதையில் குஜராத் கலவரம் ஒரு விதிவிலக்கல்ல, அதுவே தில்லிக்குச் செல்லும் அவர் செயல்முறை என்பதையே இவை காட்டுகின்றன.

எப்படிப் பார்த்தாலும் மோடி இந்தியாவுக்கு ஒரு பெரும் பிறழ்வாகவே இருப்பார்!

கண்ணன் 

நன்றி: தி இந்து

ஆம் ஆத்மி கட்சி வெற்றி - இடதுசாரிகளின் சிந்தனைக்கு…

டெல்லி, ராஜஸ்தான், மத்தியப் பிரதேசம், சத்தீஸ்கர் ஆகிய நான்கு மாநிலங்களுக்கான இந்த சட்டப் பேரவைத் தேர்தல்கள் ஏதாவது ஒரு காரணத்துக்காக இந்தியத் தேர்தல் வரலாற்றில் இடம்பெறும் என்றால், அது டெல்லி தேர்தலில் ‘ஆம் ஆத்மி’ கட்சி பெற்றுள்ள அசாதாரணமான வெற்றிக்காகவே இருக்கும்.

ராஜஸ்தான் மற்றும் டெல்லியில் காங்கிரஸ் தழுவியிருக்கும் தோல்வியின் அளவு அந்தக் கட்சிக்கே அதிர்ச்சியை அளித்திருக்கும். மக்களுக்கு ஆளும் கட்சி மீது ஏற்படும் வழக்கமான அதிருப்தியின் காரணமாக ஏற்பட்ட தோல்வியாக காங்கிரஸின் இந்த இரண்டு மாநிலங்களின் தோல்வியைக் கருத முடியாது.

ராஜஸ்தானின் 2008 சட்டப் பேரவைத் தேர்தலில் 199 தொகுதிகளில் 96 இடங்களைப் பெற்றிருந்த காங்கிரஸ் கட்சி, இந்த முறை 25 இடங்களைக்கூடக் கைப்பற்ற முடியவில்லை என்பதும், டெல்லியின் மொத்தமுள்ள 70 தொகுதியில் 2008-ல் 43 இடங்களைப் பெற்று தனிப் பெரும்பான்மை பெற்றிருந்த காங்கிரஸ் இப்போது 8 இடங்களை மட்டுமே பெறுவது என்பதும், 2014-க் கான மக்களவைப் பொதுத் தேர்தலில் காங்கிரஸின் நிலை என்னவாக இருக்கும் என்பதைக் கோடிட்டுக் காட்டுகிறது.

சத்தீஸ்கர் ஆறுதல்

மத்தியப் பிரதேசத்திலும் படுதோல்வி என்றாலும் 2008-ல் பெற்ற இடங்களைவிடக் குறைவு என்றாலும் 2008 தோல்விக்கும் 2013 தோல்விக்கும் இடையில் அதிக வித்தியாசமில்லை. காங்கிரஸுக்குச் சற்று, சற்று மட்டுமே ஆறுதல் தரும் விஷயமாக இருப்பது சத்தீஸ்கர் தேர்தல் முடிவு மட்டுமே. 2008 தேர்தலைவிட இப்போது காங்கிரஸ் கூடுதலாகப் பெற முடிந்தபோதிலும் ஆட்சியமைப்பதற்கான வாய்ப்பு பின்னரே தெளிவுபடும்.

இந்தத் தேர்தல் காங்கிரஸுக்கு குறிப்பாக, ராகுல் காந்தியின் தலைமைக்குக் கிடைத்த பெருத்த அடி என்றாலும், அது பா.ஜ.க-வுக்கும் நரேந்திர மோடிக்கும் கிடைத்த மாபெரும் வெற்றியாக அமைந்துவிடவில்லை. குறிப்பாக, மோடியின் தலைமைக்குக் கிடைத்த வெற்றியாக இதைக் கொண்டாட முடியாது என்பதை பா.ஜ.க. தலைவர்கள் அனைவருமே உணர்ந்திருக்கிறார்கள்.

நாடெங்கும் ‘மோடி அலை’ வீசுவதாக சங் பரிவாரமும் மோடி ஆதரவு ஊடகங்களும் கடந்த ஓராண்டு காலமாகக் கூறிவந்த நிலையில், இந்தத் தேர்தலில் அதற்கான ஆதாரங்கள் எதுவும் கிடைக்கவில்லை என்பது அவர்களுக்குப் பெருத்த ஏமாற்றம்தான். முக்கியமாக டெல்லி தேர்தல், ‘மோடி அலை எப்படியிருந்தது என்பதற்கான ஓர் உரைகல். மோடி அலை என்று சொல்லப்படுவதே நகர்ப்புற, படித்த, நடுத்தர வர்க்கத்தின் மீதான மோடியின் செல்வாக்கைத்தான். அது டெல்லி தேர்தலில் இல்லை என்பது பா.ஜ.க-வுக்கு அதிர்ச்சிகரமான செய்திதான். மக்களுக்கு ஒரு நல்ல மாற்று கிடைக்குமெனில், வழக்கமாக தாங்கள் அளிக்கும் வாக்குகளை மாற்றியளிக்கத் தயாராக இருக்கிறார்கள் என்பதையே ஆம் ஆத்மி கட்சியின் பெரும் வெற்றி காட்டுகிறது.

ஓராண்டில் பெறுவெற்றி

மதம், சாதி, மொழி ஆகியவற்றின் அடிப்படையிலான வாக்கு வங்கி ஏதுமில்லாமல், ஆட்சிமுறையில் மாற்றத்தைக் கொண்டுவருவோம் என்ற வாக்குறுதியின் அடிப்படையில் தொடங்கப்பட்டு, ஓராண்டுகூட ஆகாத ஒரு கட்சி, இத்தகைய மகத்தான வெற்றி பெறும் என்று அந்தக் கட்சியைத் தவிர்த்து வேறு யாரும் எதிர்பார்க்கவில்லை.

டெல்லி தேர்தலுக்கான பா.ஜ.க-வின் விளம்பரங்களில் தங்களது முதல்வர் வேட்பாளரான ஹர்ஷவர்த்தனின் படம் அஞ்சல்தலை அளவுக்கும் மோடியின் ஆளுயரப் படம் பிரம்மாண்டமாகவும் இடம்பெற்றிருந்தன. பா.ஜ.க. எந்த அளவுக்குத் தங்கள் வெற்றிக்கு ‘மோடி அலை’யை நம்பியிருக்கிறது என்பதற்கு இதுவோர் உதாரணம்.

மோடியின் தீவிரமான பிரச்சாரத்துக்குப் பிறகும், சில வரலாற்று நிகழ்வுகளின் காரணமாக காலங்காலமாக பா.ஜ.க. வலுவாக இருக்கும் டெல்லியில், ஆட்சி அமைப்பதற்கான பெரும்பான்மைக்கே பா.ஜ.க. திணற வேண்டிய நிலை. மலைக்கவைக்கும் அடுக்கடுக்கான ஊழல்கள், விலைவாசி உயர்வு ஆகியவற்றின் காரணமாக காங்கிரஸுக்கு எதிராக ஒரு பெரும் அலை வீசிய போதிலும், மோடியின் தீவிரமான பிரச்சாரம்கூட பா.ஜ.க. பெரும் வெற்றி பெற உதவவில்லை.

வேண்டாம் காங்கிரஸ் ஆதரவு

ஆம் ஆத்மி கட்சி பெரும்பான்மை பெறாவிட்டாலும் வாக்குவிகிதத்திலும் சரி, வெற்றி பெற்ற இடங்களிலும் சரி பா.ஜ.க-வுக்கு மிக நெருக்கமாக வந்துள்ளது. காங்கிரஸ் ஆதரவளிக்கும் பட்சத்தில் தாங்கள் ஆட்சியமைக்க முடியும் என்றாலும் (அதற்கு காங்கிரஸும் தயாராக இருக்கும் என்பதில் சந்தேகமில்லை) அதை நாங்கள் ஏற்க மாட்டோம் என்று ஆம் ஆத்மி கட்சி உறுதியாகக் கூறிவிட்டது.

ஆனால், அ.ஆ.க-வின் இந்த வெற்றி அகில இந்திய அளவிலோ அல்லது பிற மாநகரங்களிலோகூட சாத்தியமில்லை என்பதற்குப் பல காரணங்கள் இருக்கின்றன. அவற்றை விவாதிக்க இங்கு இடமில்லை. வரும் 2014 மக்களவைத் தேர்தலில் அ.ஆ.க-வின் வெற்றி டெல்லியில் இதைப் போலவே இருக்குமா என்பதும் உறுதியானது அல்ல. ஆ.ஆ.க-வுக்குக் கிடைத்த வாக்குகள் ஊழல் எதிர்ப்பு வாக்குகள். டெல்லியில் ஆ.ஆ.க. ஆட்சியமைக்க வாய்ப்புகள் அதிகம் என அந்தக் கட்சியினர் மற்றும் ஆதரவாளர்கள் உறுதியாக இருந்தனர். அகில இந்திய அளவில் என்று வருகிறபோது அந்த வாய்ப்பு பா.ஜ.க-வுக்கே இருக்கிறது என்பதால், இப்போது ஆ.ஆ.க-வுக்கு வாக்களித்தவர்களில் கணிசமானவர்கள் வரும் மக்களவைத் தேர்தலில் பா.ஜ.க-வுக்கு வாக்களிக்கக் கூடும்.

மோடிக்கு சவால் இவர்கள்

மத்தியப் பிரதேசத்தில் மூன்றாம் முறையாக சிவராஜ் சிங் சௌகான் பெரும் வெற்றி பெற்றிருப்பது, சத்தீஸ்கரில் மூன்றாம் முறையாக காங்கிரஸைவிட ஒரு இடம் அதிகமாகப் பெறும் நிலையில் ரமண் சிங் இருப்பது, இப்போதைக்கு இல்லாவிட்டாலும் எதிர்காலத்தில் இவர்கள் மோடிக்குச் சவாலாக வரும் வாய்ப்புண்டு.

வரும் மக்களவைத் தேர்தலில் 180 இடங்களுக்கு மேல் பா.ஜ.க. பெற முடியாது போய், ஆட்சியமைக்கப் பிற கட்சிகளை அதிகம் சார்ந்திருக்க வேண்டி வந்தால், அப்போது பா.ஜ.க-வில் மோடிக்கு மாற்றாக அமையக் கூடியவர் சௌகானாக இருக்க வாய்ப்புகள் அதிகம். ஆக, காங்கிரஸின் தன்னிகரற்ற தலைவராக இந்திரா காந்தி உருவானதைப் போல் பா.ஜ.க-வின் தன்னிகரற்ற தலைவராக மோடி உருவாவதற்கான வாய்ப்புகள் குறைவு.

தாக்குதல் அனுதாபம்

சத்தீஸ்கர் தவிர்த்த, மூன்று மாநிலங்களிலும் காங்கிரஸுக்கு ஏற்பட்ட படுதோல்விக்கு முழுப் பொறுப்பேற்க வேண்டியது அந்தக் கட்சியின் அகில இந்தியத் தலைமையே. சத்தீஸ்கரில் பஸ்தர் பகுதியில் காங்கிரஸ் தலைவர்கள் மீது மாவோயிஸ்ட்டுகள் நடத்திய கொலைவெறித் தாக்குதல் அந்தக் கட்சிக்கு ஓரளவு உதவியிருக்கிறது. பழங்குடி மக்கள் பகுதியில் நடந்த அதிக அளவிலான வாக்குப் பதிவு மற்றும் அந்தப் பகுதியில் காங்கிரஸுக்குக் கிடைத்துள்ள அதிக இடங்கள் மாவோயிஸ்ட்டுகளின் செல்வாக்கு கணிசமாகச் சரிந்துள்ளதையே காட்டுகிறது.

மாநில அளவில் வலுவான தலைவர்கள் உருவாவது தடுக்கப்பட்டு, காங்கிரஸ் கட்சி முழுக்க முழுக்க ஒரு குடும்பத்தினரால் கட்டுப்படுத்தப்படுவதும், அளவு கடந்த ஊழலும் அந்தக் கட்சியை மேலும் மேலும் அழிவுநிலைக்கு இட்டுச் சென்றுகொண்டிருக்கிறது. காங்கிரஸின் தோல்வியைப் பற்றி, ஊடகவியலாளர்களிடம் பேசிய ராகுல் ஆ.ஆ.க-விடமிருந்து பாடம் கற்றுக்கொள்ள விரும்புவதாகக் கூறியிருக்கிறார். அப்படி கற்றுக்கொண்டால் காங்கிரஸின் மற்றும் அவரின் எதிர்காலத்துக்கு மட்டுமல்ல, நாட்டின் எதிர்காலத்துக்கும் நல்லது.

இடதுசாரிகளின் அரசியல் உத்தி

ஆ.ஆ.க-வின் வெற்றி யாருக்குப் பாடமோஇல்லையோ இடதுசாரிக் கட்சிகளுக்கு முக்கியமான பாடம். பொருளாதாரக் கொள்கைகளில் தங்களிடமிருந்து முற்றிலும் வேறுபட்ட, அரசியல் நிர்பந்தங்கள் மற்றும் வாக்கு வங்கிகளுக்காக மதச்சார்பின்மையைக் கடைப்பிடிக்கும் கட்சிகளுடன் மாறி மாறிக் கூட்டுவைப்பதன் மூலம் இந்தியாவில் தாங்கள் விரும்பும் மாற்றத்தைக் கொண்டுவர முடியும். பெரும்பான்மையான மக்களைத் தங்கள் பக்கம் வென்றெடுக்க முடியும் என்ற இடதுசாரிகளின் அரசியல் உத்தி, கடந்த 60 ஆண்டுகளில் எந்தப் பலனையும் தந்திருக்கவில்லை.

தங்களது கொள்கைகளின் அடிப்படையில், தங்களை மாற்றாக மக்கள் முன் நிறுத்துவதன் மூலம் மட்டுமே மக்களின் நம்பிக்கையை அவர்கள் வென்றெடுக்க முடியும். இடதுசாரிக் கட்சிகளின் நீடித்த இருப்பு உடனடித் தேர்தல் வெற்றிகளைப் பொருத்ததல்ல என்பதால், இதை இடதுசாரிகளால் சாதிக்க முடியும். மக்கள் நலன் சார்ந்த கொள்கைகள், பொது வாழ்விலும் தனி வாழ்விலும் நேர்மை ஆகிய விஷயங்களில் எப்போதும் முதலிடத்தில் இருக்கும் இடதுசாரிகள் டெல்லியில் ஆ.ஆ.க. சாதித்ததை அகில இந்திய அளவில் சாதிக்க முடியும். 

தி ஹிந்து

__._,_.___

இந்திய முதல் பெண் மணிகள்...

இந்தியாவின் முதல் பெண் பிரதமர்.... இந்திரா காந்தி.


இந்தியாவின் முதல் பெண் ஜனாதிபதி... பிரதீபா பாடேல்.


இந்தியாவின் முதல் பெண் முதலமைச்சர்.... சுசேதா கிருபளானி (உத்திரபிரதேசம்). 


இந்தியாவின் முதல் பெண் ஆளுநர்... சரோஜினி நாயுடு (உத்திரபிரதேசம்). 

இந்தியாவின் முதல் பெண் உச்சநீதிமன்ற நீதிபதி... பாத்திமா பீவி. 

இந்தியாவின் முதல் பெண் மாநில தலைமை செயலர்… லட்சுமி பிரானேஷ். 

இந்தியாவின் முதல் பெண் வெளிநாட்டு தூதர்… விஜயலட்சுமி பண்டிட் (ரஷ்யா 1947-49).


இந்தியாவின் முதல் பெண் காபினெட் அமைச்சர்… ராஜ்குமாரி அம்ரித்கௌர் (சுகாதாரத்துறை 1957 வரை). 


இந்தியாவின் முதல் பெண் வழக்கறிஞர்… ரெஜினா குகா (1922). 


இந்தியாவின் முதல் பெண் மருத்துவர்… ஆனந்தபாய் ஜோஷி (அமெரிக்காவில் பட்டம் பெற்றார்). 


இந்தியாவின் முதல் பெண் பொறியாளர்… லலிதா (சிவில் 1950). 


இந்தியாவின் முதல் பெண் ஐ.ஏ.எஸ். அதிகாரி… அன்னா ஜார்ஜ் மல்கோத்ரா (1950). 

இந்தியாவின் முதல் பெண் ஐ.பி.எஸ். அதிகாரி… கிரண்பேடி.

இந்தியாவின் முதல் பெண் நீதிபதி… அன்னா சாண்டி. 

இந்தியாவின் முதல் பெண் பத்திரிக்கையாளர்… சுவர்ணகுமாரி தேவி (ராம்பூதோதானி பத்திரிக்கை). 


இந்தியாவின் முதல் பெண் விமான ஓட்டி… காப்டன் துர்கா பானர்ஜி. 

இந்தியாவின் முதல் பெண் மேயர்… தாரா செரியன். 


இந்தியாவின் முதல் பெண் துணை வேந்தர்… அன்சா மேத்தா (பரோடா பல்கலைகழகம்). 


இந்தியாவின் முதல் பெண் பேருந்து ஓட்டுநர்…வசந்த குமாரி (தமிழ்நாடு).

இந்தியாவின் முதல் பெண் விண்வெளிப் பெண்மணி… கல்பனா சாவ்லா. 

இந்தியாவின் முதல் பெண் ரயில் இஞ்சின் ஓட்டுனர்… சுரோகா யாதவ். 

இந்தியாவின் முதல் பெண் டி.ஜி.பி. (DGP)… இகஞ்சன் சௌத்ரி பட்டாச்சார்யா. 

இந்தியாவின் முதல் பெண் ராணுவ கமாண்டன்ட்.... புனிதா அரோரா.] 

இந்தியாவின் முதல் பெண் ஏர்ஃசிப் மார்ஷல்… பத்மாவதி பந்தோபாத்யாயா

ஈரானால் பிடிக்கப்பட்ட விமானத்தை பார்வையிட

ஈரானால் பிடிக்கப்பட்ட விமானத்தை பார்வையிட சொடுக்கவும்



ஈரான் கைப்பற்றியுள்ள உளவு விமானம், தம்முடையதுதான் என்ற உண்மையை செவ்வாய்க்கிழமை ஒப்புக் கொண்டுள்ளனர் அமெரிக்க அதிகாரிகள். அமெரிக்க உளவுத்துறை சி.ஐ.ஏ.-யின் மிகத் துல்லியமான, அதிக பெறுமதிமிக்க இந்த விமானத்தை ஈரானிடம் இழந்திருக்கிறது அமெரிக்கா விமானம் தற்போது ஈரானிய ராணுவத்தின் வசம் உள்ளது. சி.ஐ.ஏ. உளவு விமானத்தை எப்படி ஈரான் கைப்பற்றியது என்பது இன்னமும் தெளிவாகத் தெரியவில்லை.

அமெரிக்கா இழந்துள்ள RQ-170 மாடல் விமானம், வெளிநாடுகளை உளவு பார்ப்பதற்காக சி.ஐ.ஏ. ரகசியமாக உபயோகித்த விமானம். பாகிஸ்தானில் பின்லேடன் மறைந்திருந்த கம்பவுண்டை வானில் இருந்து மாதக் கணக்கில் உளவு பார்த்து தகவல் கொடுத்த விமானமும் இதுவே.

இந்த விமானத்தில் இருந்து கிடைத்த லைவ் வீடியோ ட்ரான்ஸ்மிஷனை வைத்தே, பின்லேடனின் நடமாட்டம் அந்த கம்பவுண்டுக்குள் உள்ளது என்பதை சி.ஐ.ஏ. உறுதி செய்து கொண்டது. பின்லேடன் கொல்லப்பட்டு ஒரு மாதத்தின் பின்னரே, அந்த ஆபரேஷனுக்கு RQ-170 உளவு விமானம் உபயோகிக்கப்பட்ட தகவலை சி.ஐ.ஏ. வெளியிட்டிருந்தது.



சி.ஐ.ஏ.-க்கு இது மிகப்பெரிய இழப்பு என்பதை சி.ஐ.ஏ. அதிகாரிகளே ஒப்புக்கொள்கின்றனர். RQ-170 விமானம் சி.ஐ.ஏ.-க்கு மிக முக்கியமானது என்ற வகையில் அதன் இருப்பு பற்றியே சி.ஐ.ஏ. ரகசியம் காத்து வந்தது. நீண்டகாலமாக இந்த விமானத்தின் போட்டோக்கள்கூட வெளியே செல்லாதபடி பார்த்துக் கொண்டது. (இன்றுகூட வெளியே உலாவும் போட்டோக்களில் பெரும்பாலானவை கிராபிக் அனிமேஷன்கள். மிகச்சிலவே நிஜமான போட்டோக்கள்!)
RQ-170 தமது நாட்டுக்கு மேலாகப் பறந்து உளவு பார்த்தபோது கைப்பற்றப்பட்டதாக ஈரான் அறிவித்துள்ளது. விமானம் தம்முடையதுதான் என்பதை ஒப்புக்கொண்டுள்ள அமெரிக்க அதிகாரிகள், விமானம் ஈரானிய வான்பரப்பில் பறந்ததா என்பதுதொடர்பாக கருத்துத் தெரிவிக்க மறுத்து விட்டனர். விமானம் கைப்பற்றப்பட்ட தினத்தில் சி.ஐ.ஏ.-யின் ஆபரேஷன் ஒன்றுக்காகவா பறக்க விடப்பட்டது என்ற கேள்விக்கு பென்டகன் பேச்சாளர் ஜோர்ஜ் லிட்டல் பதில் ஏதும் தெரிவிக்கவில்லை.

தமது நாட்டு அணு ஆலைகளை உளவு பார்க்கவே விமானம் பறந்ததாக கூறுகின்றது ஈரான்.

இந்த விவகாரத்தில் ஒரு தொழில்நுட்ப தந்திரம் செய்யப்பட்டதாக உளவுத்துறை வட்டாரங்களில் இருந்து தெரியவருகின்றது. குறிப்பிட்ட விமானத்தில் இருந்து வருவது போன்ற போலியான சிக்னல்களை சி.ஐ.ஏ. ஏற்படுத்தியதாகவும், அந்த சிக்னல்களின்படி விமானம் ஆப்கானிஸ்தானுக்கு மேலாக அமெரிக்க ராணுவ நடவடிக்கை ஒன்றுக்காக பறந்து கொண்டிருப்பது போன்ற செயற்கைத் தோற்றம் ஏற்படுத்தப் பட்டிருந்ததாகவும் கூறுகிறார்கள். அதன்படி விமானம் ஆப்கானுக்கு மேலாக இருப்பதாக மற்றையவர்கள் நினைத்துக் கொண்டிருக்க, ஆக்சுவல் விமானம் ஈரானிய வான்பரப்பில் இருந்தது என்றும் கூறுகிறார்கள்.

இரு தினங்களுக்குமுன் (ஞாயிற்றுக்கிழமை) ஆப்கானிஸ்தானிலுள்ள ஐ.எஸ்.ஏ.எஃப் (International Security Assistance Force), இதே விமானம் பற்றி தமது செய்திக் குறிப்பில் ஒரு தகவல் வெளியிட்டிருந்தது. மேற்கு ஆப்கான் வான்பரப்பில் பறந்துகொண்டிருந்த RQ-170, காலநிலை காரணமாக திசைமாறிச் சென்றுவிட்டதாக அதில் குறிப்பிடப்பட்டிருந்தது.

அந்தக் குறிப்பு வெளியாவதற்கு முன்னரே, விமானம் ஈரானால் கைப்பற்றப்பட்டதாக இப்போது தெரிய வருகின்றது.

விமானம் ஈரானிடம் இழக்கப்பட்டதையோ, அது ஈரானிய வான்பரப்பில் பறக்க விடப்பட்டதையோ மறைக்கவே, ஐ.எஸ்.ஏ.எஃப் செய்திக் குறிப்பில் இந்த செய்தி இணைக்கப்பட்டதாக இப்போது ஊகிக்கிறார்கள். காரணம், RQ-170 ஆபரேஷன்கள் ரகசியமானவை. அவை பற்றிய விபரங்கள் ராணுவ செய்திக் குறிப்புகளில் வெளியாவதில்லை.

இந்தத் திசைதிருப்பலை ஈரான் எப்படிக் கண்டுபிடித்தது என்பதும், பறந்து கொண்டிருந்த விமானத்தை எப்படி தரைக்கு கொண்டு வந்தது என்பதும் இந்த நிமிடம்வரை மர்மமாகவே உள்ளது.




விமானத்தை தர முடியாது:ஈரான் ராணுவம் திட்டவட்டம்



"நாங்கள் பிடித்து வைத்துள்ள அமெரிக்காவின் ஆளில்லா போர் விமானத்தை திருப்பித் தர முடியாது' என, ஈரானின் புரட்சிப் படை திட்டவட்டமாகத் தெரிவித்துள்ளது.கடந்த வாரம் ஆப்கானிஸ்தான் எல்லையில் இருந்து 225 கி.மீ., தொலைவில் ஈரானுக்குள், அமெரிக்காவின் ஆளில்லா போர் விமானம் ஒன்று பறந்து கொண்டிருந்ததாகவும் அதைச் சிறிதளவு தாக்கியதன் மூலம் தரையிறக்கி விட்டதாகவும் ஈரான் தெரிவித்திருந்தது.தொடர்ந்து கடந்த 8ம் தேதி, அந்த விமானத்தை ஈரான் அதிகாரிகள் சிலர் பார்வையிடும் வீடியோவையும் வெளியிட்டது.



இந்நிலையில், ஈரானின் புரட்சிப் படை துணைத் தளபதி உசேன் சலாமி நேற்று வெளியிட்ட அறிக்கையில், "ஈரானின் வான்வெளிக்குள் அமெரிக்க போர் விமானம் நுழைந்தது, போரைத் தூண்டும் நடவடிக்கை. இதன் விளைவுகள் மோசமாக இருக்கும். எனினும் இவ்விமானத்தை நாங்கள் அமெரிக்காவிடம் திருப்பிக் கொடுக்கப் போவதில்லை' என தெரிவித்தார்.ஆர்.க்யூ.,-170 ரக ஆளில்லா போர் விமானம் ஒன்று காணாமல் போனதை ஒப்புக் கொண்ட அமெரிக்க அதிகாரிகள், அந்த விமானத்தை சுட்டோ, மின்னணு தொழில்நுட்பம் மூலமோ, கணினி தொழில்நுட்பம் மூலமோ ஈரான் தரையிறக்கியிருக்க வேண்டும் எனத் தெரிவித்தனர்.ஆனால், எப்படி அந்த விமானத்தை தரையிறக்கினர் என்பதை சொல்ல மறுத்த சலாமி,